Í dag byrjar verksetingin á Medisinska Depilinum á LS av álvara

Frá í dag 13. juni og næstu tvær vikurnar fara øll starvsfólk á læknagongini á C3 og í ambulatoriinum á G3 og útistovu, at brúka THS - skipanina fult út. THS toymið er flutt oman á medisinska depilin á B3 og veitir hagani frá intensivan support. Eftir ætlan fara deildirnar yvir til vanligan rakstur 30. juni, t.v.s tá verður supportur veittir við at ringja til KT-skivuna 1919.  

Síðan á várið 2007 , hevur THS tilgongdin á medisinska deplunum verið tann, at eitt ambulatorium í senn hevur tikið Cosmic í nýtslu. Fyrimunurin við hesi tilgongd hevur verið, at starvsfólk hava havt góða tíð til at vant seg við skipanina og at kliniska virksemið ikki hevur verið darvað í størri mun. Ein eftirmeting í mars 2008 staðfesti tó, at vansar eisini eru við hesi tilgongd – m.a. tí tað gongur ov long tíð, áðrenn full nytta fæst av THS.  Avgjørt er tí at speeda verksetingina upp. Í mai og juni hava umleið 25 starvsfólk, læknar, sjúkrarøktarfrøðingar og læknaskrivarar, luttikið á workshops saman við THS toyminum. Við royndunum higartil frá THS rakstri á pilotdeildunum (barnadeildini og oyrna- nøs og hálsdeildini) og seinasta ári á medisinska deplinum annars, eru ein røð av meginreglum nú fastlagdar fyri, hvussu skipanin skal nýtast í kliniska virkseminum og skipanin er tillagað hereftir.

(dagfest 13. juni 2008)